Þórdís Kolbrún entließ Gunnar Smára in einer öffentlichen Sitzung

Ýmindaðu þér að vera á móti því að þjóð verji sig frá innrás. Ég er vinstra megin í flestum málaflokkum sem skipta mig máli en yfir bara þessu þá geta þeir gleymt mínu atkvæði.

Þvílíkur heigull.

Eigum að fórna fólki upp í gin einræðisherra því Gunnar Smári heldur að það verði gerð árás á Ísland? Eða segja þeim að sorrí, við getum ekki sent hjálpargögn því sérhver króna hér er nýtt svo vel og í nauðsynjar?

Öreigar allra landa sameinist – nema einhver sem segir Amerikkka bad vilji drepa þá og taka af þeim sjálfsákvörðunarrétt I guess.

Almennt er ég ekki sérstaklega stóryrtur – fólk sem er ósammála mér er bara ósammála mér – en Gunnar Smári (og allir sem sækjast eftir völdum til þess að yfirgefa Úkraínumenn) er vondur.

Hann er að tala fyrir því að yfirgefa fólk sem þarf á því að halda – að fólk verði drepið – af því hann er fastur í einhverju kalda-stríðs LARPi um að allir sem eru óvinir Bandaríkjanna hljóti að vera góðir.

Ef einhverjir gikkir á netinu eru á þessum meiði þá skiptir það mig engu máli. En maðurinn er að biðja um völd til þess að yfirgefa Úkraínumenn.

Ég er í grunninn sammála Þórdísi, og mér finnst Gunnar Smári einstaklega ómerkilegur maður og hans pólitík andlýðræðisleg og ill, en við verðum að geta mætt þeirri skoðun að semja eigi um frið, þó það þýði að Úkraína gefi eftir landsvæði, af yfirvegun án þess að ásaka fólk úm óheilindi eða um að vera undir einhverjum áhrifum Rússlands.

Það er fullt af fólki sem trúir því af einlægni að Úkraína *geti ekki* unnið þetta stríð, og að það að halda því áfram felur því í sér töf á frið og fjölgun látinna sem hægt hefði verið að koma í veg fyrir. Við getum verið ósammála þeirri skoðun, en við verðum að hætta að rakka þá sem hana aðhyllast niður og stimpla það sem *pro-putin* o.s.frv.

Af hverju í ósköpunum notar hann þessa tímasetningu rétt fyrir kosningar fyrir málflutning sem getur ekki gert neitt annað en að fæla mögulega-líklega kjósendur frá?

Ég hélt að strategían yrði að *grafa* allt þetta Rússlands-vinahót kjaftæði fram að kosningum, og sýna frekar aðrar hliðar flokksins. – *Hvað er hann að gera* að gaspra þessu á opnum fundi?

Spái að sósíalistar nái ekki yfir 4% ef fjölmiðlar sinna lágmarks hlutverki sínu og veki athygli á þessari skelfilegu hlið flokksins.

Að vísu hafa fjölmiðlar ekki sýnt þessari hlið Sósíalistaflokksins mikinn áhuga hingað til. Kannski sleppa þau.

En ég bara *skil ekki* af hverju þessi flokkur gerir sér þetta, því þetta var algjör óþarfi.

Ég er án djóks farinn að halda að þetta sósíalista flokks ævintýri Gunnars sé tilkomið af því að hann hafi verið í fjárþörf og einhver FSB gæi hafi verið til í að redda honum.

Hversu mikil skyrdolla er hægt að vera

https://imgur.com/a/eTMTK6W

“Vel mætti enda stríðið”.

Vinnufélagi minn frá suð-austur Evrópu var (og er) hrifinn af Trump, vildi meina að hann væri sá eini sem gæti stillt til friðar. Þegar ég benti honum á að það væri ekki alveg rétt, að Pútín gæti hætt við allt saman, þá var svarið “Já, en hann er snarklikkaður.”

Gunnar Smári, þú ert að skemma fyrir málstaðnum. Ég veit að þú stofnaðir sósíalistaflokkinn en plís stígðu til hliðar. Það væri ömurlegt ef Sósíalistar detti niður í 3-4,9% og fái ekki þingsæti.

Það þarf alveg frekar mikinn svona reddit-samsæris froðuheila til að halda því fram að Sósíalistaflokkurinn sé rússaleppur út af þessari umræðu. Án þess einu sinni að tékka þá veit ég að þeir sem tala fyrir flokknum – Gunnar Smári sem aðrir – voru 100% líka á móti þátttöku Íslands í Íraksstríðinu og stríðinu í Afganistan og hernaðaraðgerðum Kínverja o.s.frv. vegna þess að A) þeim finnst eina gagnið sem herlaus örþjóð getur gert vera að tala fyrir friði og B) innrásarstríð stórvelda fyrirlitleg.

Það er mjög stutt síðan það var “eðlileg” og mjög algeng skoðun meðal almennings á Íslandi að vilja ganga úr Nató, á svipuðum forsendum. Nú er hinsvegar komið fram alvöru bíó-illmenni í Pútín og skiljanlegt að fleiri sjái Nató í rósrauðu ljósi – en það er líka barnalegt að tala eins og þetta sé óréttlátasta og fyrirlitlegasta stríð allra tíma, þar sem krafa um nokkuð annað en fullnaðarsigur Úkraínu sé illska. Stríð bitna á almenningi fyrst og fremst og þessir 25milljarðar af íslenskum skattpeningum sem við sendum til Úkraínu mun á endanum borga fyrir nokkur þúsund sundurtætt lík – það eru svona semi-ópólitískar, siðferðilegar staðreyndir málsins. Mér finnst allt í lagi að einhver á Alþingi hugsi á þeim nótum.

Afsakið öll hér, en las einhver hér greinina? Eða kommentin undir?
Sér enginn hvað þetta er illa unnin grein?
Mér virðist vera nokkuð hrapað að ályktunum hérna, án þess að vísa til annars en bara greinarinnar og kommentanna… Hvað var orðrétt – og hvað er túlkun?

Enívei. Ég er svosum ekkert talsman GSE eða Sósíalista, en ég er alveg að skilja hvað hann á við, án þess að stökkva upp á nef mér. Pútín lítur á Nató sem stjórnartól BNA (sem er ekki beint rangt, a.m.k. ennþá). Blessaður Zelenskyy er að reyna að gera allt “rétt” svo Úkraína komist inn í Nató, þ.m.t. að hlýða boðum og bönnum BNA með að verja sig almennilega (eða eins og þau vilja, með þeim vopnum sem þau hafa), sem þar með ílengir öll átök og dregur fleiri til dauða en þyrfti (það á auðvitað ekki að vera þörf á neinum dauðsföllum).
Ítök BNA í heiminum eru mun meiri og dýpri en flestir átta sig á, og það er alls ekki gott fyrir neinn annan en þau (ég er frá BNA; hata að þau ekki blindandi; er realist), sjáum bara ástandið í Mið-austurlöndum…

Að þessu sögðu hef ég ekki fylgst með GSE eða Sósíalistum á samfélagsmiðlum, og get því alls ekki lesið í orð hans meira en hvað var sagt, sem ég held að sé bara ágætt, því hér hef ég lesið *allskonar* meiningar sem honum (GSE) eru ætlaðar, hvort sem þær eru raunverulegar eður ei.

Annars bara: Niður með Sjálfstæðisflokkinn og Píratar mega fokka sér (persónuleg reynsla hér að baki)!

OG MUNIÐ AÐ KJÓSA! 🤘🏻