Heidelberg reyndi að beita Hafró þrýstingi fyrir opinn íbúafund í Ölfusi
Lögmannsstofan Logos sendi tölvupóst fyrir hönd Heidelberg með beiðni um að starfsmaður Hafrannsóknarstofnunar tæki ekki þátt í opnum íbúafundi í Ölfusi. Starfsmaðurinn hafði unnið rannsókn um áhrif námuvinnslu fyrirtækisins á fiskimið og hrygningarsvæði nytjastofna úti fyrir strönd Ölfuss. Skylda Hafró að upplýsa almenning segir forstjórinn.
Þýska sementsfyrirtækið Heidelberg reyndi að koma í veg fyrir að starfsmaður Hafrannsóknarstofnunar tæki þátt í opnum íbúafundi um fyrirhugaða mölunarverksmiðju í Ölfusi. Fundurinn var haldinn í grunnskólanum í Þorlákshöfn á miðvikudaginn í síðustu viku, þann 15. maí. Þetta herma þrjár sjálfstæðar heimildir blaðsins og forstjóri Hafró staðfestir að erindið hafi borist.
Tölvupóstur frá lögmannsstofunni Logos barst um þetta fyrir hönd Heidelberg og var þeim tilmælum beint til ríkisstofnunarinnar að starfsmaðurinn tæki ekki þátt í fundinum.
Vísað var í fordæmi þess efnis að ríkisstarfsmenn hefðu verið kærðir fyrir að taka þátt í slíkum fundum í eigin nafni. Starfsmaðurinn var hins vegar þátttakandi á íbúafundinum sem starfsmaður Hafró en ekki sem einstaklingur. Logos beindi einnig þeirri spurningu til Hafró hvort slíkt væri eðlilegt að mati stofnunarinnar.
Mikill hiti er nú Ölfusi vegna möluanrverksmiðju Heidelberg og annarra umsvifa fyrirtækisins og var íbúakosningu um verksmiðjuna nýlega frestað vegna gagnrýni laxeldisfyrirtækisins First Water á mengun vegna hennar.
Lögbundið hlutverk Hafró að upplýsa
Þorsteinn Sigurðsson, forstjóri Hafró, staðfestir að tölvupósturinn hafi borist: „Það er alls ekki óeðlilegt þar sem verið er að fjalla um rannsóknir að Hafrannsóknarstofnun geri það. Þetta er lögbundin skylda okkar. Við munum ekki neita neinum um það, hvort sem það er minnihluti eða meirihluti í sveitarfélagi, að segja frá niðurstöðum rannsókna okkar. Við erum bara að lýsa á hlutlægan hátt okkar niðurstöðum.“
Þorsteinn Sigurðsson segir að Hafrannsóknarstofnun hafi einfaldlega „ignorerað“ tölvupóstinn frá Logos og að Magnús hafi tekið þátt í fundinum. Tölvupóstinum var svo svarað í þessu viku, segir Þorsteinn, og var þessu lögbundnu hlutverki Hafró lýst í því.
Vann rannsókn sem sýndi slæm áhrif á fiskimið
Starfsmaðurinn, Magnús Thorlacius, hafði unnið rannsókn á fiskimiðunum í sjónum við Landeyjar þar sem Heidelberg hyggst dæla fordæmalausu magni efni af hafsbotni til að nota í sementsgerð. Niðurstaða rannsóknarinnar var að mikið magn af fiski væri á svæðinu, að þar væru hrygningarsvæði nytjastofna eins og þorsks og bent var á hættuna sem gæti stafað af efnisvinnslu Heidelberg.
Þessi rannsókn Magnúsar var kostuð af Heidelberg en niðurstaðan var ekki hagfelld fyrir fyrirtækið og var að hluta til uppistaðan í gagnrýnni vísindalegri umsögn Hafrannsóknarstofnunar um fyrirhugaða efnisvinnslu Heidelberg.
Niðurstaðan í þeirri umsögn var eftirfarandi: „Komi til þess að leyfi fyrir framkvæmdinni verði veitt telur Hafrannsóknastofnun að hætta sé á neikvæðum umhverfisáhrifum á nytjastofna sjávar og á setflutninga. Þá fylgir einnig aukin hætta á strandrofi komi til framkvæmdarinnar. Bendir stofnunin á að nálgast skuli auðlindir þjóðarinnar út frá varúðarnálgun þar sem sjálfbærni er lykilþáttur.“
Einstakt tilfelli segir Þorsteinn
Heimildir blaðsins herma að erindi Heidelberg hafi vakið mikla athygli innan Hafrannsóknarstofnunar enda ekki á hverjum degi sem einkafyrirtæki reyna að beita ríkisstofnuninna þrýstingi með þessum hætti.
Þorsteinn segir aðspurður að um sé að ræða fyrsta slíka erindið sem hafi borist eftir að hann tók við sem forstjóri Hafró árið 2021. „Nei, þetta er ekki algengt. Ég man ekki eftir svona áður en ég ætla ekki að fullyrða að það hafi aldrei gerst. En þetta hefur að minnsta kosti ekki gerst í minni tíð. Það er bara velkomið að kæra okkur ef einhver vill.“
1 Comment
Fyrir þau sem eru ekki með áskrift
Heidelberg reyndi að beita Hafró þrýstingi fyrir opinn íbúafund í Ölfusi
Lögmannsstofan Logos sendi tölvupóst fyrir hönd Heidelberg með beiðni um að starfsmaður Hafrannsóknarstofnunar tæki ekki þátt í opnum íbúafundi í Ölfusi. Starfsmaðurinn hafði unnið rannsókn um áhrif námuvinnslu fyrirtækisins á fiskimið og hrygningarsvæði nytjastofna úti fyrir strönd Ölfuss. Skylda Hafró að upplýsa almenning segir forstjórinn.
Þýska sementsfyrirtækið Heidelberg reyndi að koma í veg fyrir að starfsmaður Hafrannsóknarstofnunar tæki þátt í opnum íbúafundi um fyrirhugaða mölunarverksmiðju í Ölfusi. Fundurinn var haldinn í grunnskólanum í Þorlákshöfn á miðvikudaginn í síðustu viku, þann 15. maí. Þetta herma þrjár sjálfstæðar heimildir blaðsins og forstjóri Hafró staðfestir að erindið hafi borist.
Tölvupóstur frá lögmannsstofunni Logos barst um þetta fyrir hönd Heidelberg og var þeim tilmælum beint til ríkisstofnunarinnar að starfsmaðurinn tæki ekki þátt í fundinum.
Vísað var í fordæmi þess efnis að ríkisstarfsmenn hefðu verið kærðir fyrir að taka þátt í slíkum fundum í eigin nafni. Starfsmaðurinn var hins vegar þátttakandi á íbúafundinum sem starfsmaður Hafró en ekki sem einstaklingur. Logos beindi einnig þeirri spurningu til Hafró hvort slíkt væri eðlilegt að mati stofnunarinnar.
Mikill hiti er nú Ölfusi vegna möluanrverksmiðju Heidelberg og annarra umsvifa fyrirtækisins og var íbúakosningu um verksmiðjuna nýlega frestað vegna gagnrýni laxeldisfyrirtækisins First Water á mengun vegna hennar.
Lögbundið hlutverk Hafró að upplýsa
Þorsteinn Sigurðsson, forstjóri Hafró, staðfestir að tölvupósturinn hafi borist: „Það er alls ekki óeðlilegt þar sem verið er að fjalla um rannsóknir að Hafrannsóknarstofnun geri það. Þetta er lögbundin skylda okkar. Við munum ekki neita neinum um það, hvort sem það er minnihluti eða meirihluti í sveitarfélagi, að segja frá niðurstöðum rannsókna okkar. Við erum bara að lýsa á hlutlægan hátt okkar niðurstöðum.“
Þorsteinn Sigurðsson segir að Hafrannsóknarstofnun hafi einfaldlega „ignorerað“ tölvupóstinn frá Logos og að Magnús hafi tekið þátt í fundinum. Tölvupóstinum var svo svarað í þessu viku, segir Þorsteinn, og var þessu lögbundnu hlutverki Hafró lýst í því.
Vann rannsókn sem sýndi slæm áhrif á fiskimið
Starfsmaðurinn, Magnús Thorlacius, hafði unnið rannsókn á fiskimiðunum í sjónum við Landeyjar þar sem Heidelberg hyggst dæla fordæmalausu magni efni af hafsbotni til að nota í sementsgerð. Niðurstaða rannsóknarinnar var að mikið magn af fiski væri á svæðinu, að þar væru hrygningarsvæði nytjastofna eins og þorsks og bent var á hættuna sem gæti stafað af efnisvinnslu Heidelberg.
Þessi rannsókn Magnúsar var kostuð af Heidelberg en niðurstaðan var ekki hagfelld fyrir fyrirtækið og var að hluta til uppistaðan í gagnrýnni vísindalegri umsögn Hafrannsóknarstofnunar um fyrirhugaða efnisvinnslu Heidelberg.
Niðurstaðan í þeirri umsögn var eftirfarandi: „Komi til þess að leyfi fyrir framkvæmdinni verði veitt telur Hafrannsóknastofnun að hætta sé á neikvæðum umhverfisáhrifum á nytjastofna sjávar og á setflutninga. Þá fylgir einnig aukin hætta á strandrofi komi til framkvæmdarinnar. Bendir stofnunin á að nálgast skuli auðlindir þjóðarinnar út frá varúðarnálgun þar sem sjálfbærni er lykilþáttur.“
Einstakt tilfelli segir Þorsteinn
Heimildir blaðsins herma að erindi Heidelberg hafi vakið mikla athygli innan Hafrannsóknarstofnunar enda ekki á hverjum degi sem einkafyrirtæki reyna að beita ríkisstofnuninna þrýstingi með þessum hætti.
Þorsteinn segir aðspurður að um sé að ræða fyrsta slíka erindið sem hafi borist eftir að hann tók við sem forstjóri Hafró árið 2021. „Nei, þetta er ekki algengt. Ég man ekki eftir svona áður en ég ætla ekki að fullyrða að það hafi aldrei gerst. En þetta hefur að minnsta kosti ekki gerst í minni tíð. Það er bara velkomið að kæra okkur ef einhver vill.“